“Kampion i jetës tënde”

Kampi i Kampionit është një bashkëkrijim i SmartED me Shkollën Woodrow Wilson. Ky projekt ka lindur për të përcjellë edukimin elitar botëror.
Një verë aktive ndihmon në zhvillimin e shpejtë dhe të qëndrueshëm në jetën e një të riu. Ka ardhur momenti që të rinjtë shqiptarë të përjetojnë një stil jetese që i përshtatet Epokës së Informacionit.

 

Kampi do të zhvillohet pranë ambienteve të shkollës Woodrow Wilson, nga data 22 Qershor deri 3 Korrik 2020.
 

Champ Camp është një kamp veror i krijuar për të rinjtë që synojnë studimet jashtë shteti. Të kesh një ëndërr të madhe, siç është edukimi në Universitetet Ndërkombëtare është një mision që mund të realizohet me stërvitje të disiplinuar dhe përkrahje nga familja. Gjatë organizimit të Kampit të Kampionit adoleshentët do të njihen me jetesën në një kampus universitar. 

​

Programi ditor është bazuar në krijimin e një balance midis trupit, mendjes dhe ndjenjave. Studentët do të përmirësojnë njohuritë e tyre në anglisht dhe matematikë, do të aftësohen në fushën e sipërmarrjes, por jo vetëm. Gjithashtu, ata do të ndërtojnë një profil fitues në sytë e shkollave ku do të konkurrojnë. Mosha e adoleshencës është një urë lidhëse e fëmijërisë dhe botës së të rriturve. Për të arritur shëndosh e mirë në destinacion gjimnazistët do të përgatisin një plan të mirëfilltë për ta zbatuar.

Përgatitja në momentin dhe vendin e duhur, me përkrahjen e trajnerëve me mendësi fituesi do t'i bëjë ata Kampionë.

​